ვიცე-პრემიერი, ენერგეტიკის მინსტრი კახი კალაძე აცხადებს, რომ ოდესის გუბერნატორი მიხეილ სააკაშვილი ცდილობს უკრაინასა და საქართველოს შორის მეგობრობას ბზარი შესძინოს, თუმცა მისი თქმით, სააკაშვილს არაფერი გამოუვა.

საქართველოს პრემიერ-მინისტრის მიერ, უკრაინის პრეზიდენტის მიმართ გაგზავნილი მიმართვის კომენტირებისას, კალაძემ ჟურნალისტებთან განაცხადა, რომ ძალიან მძიმეა, როდესაც საქართველოში გადატრიალებას მეგობარი ქვეყნის მაღალჩინოსანი გეგმავს.

,,ძალიან ცუდია, როდესაც ჩვენი მეგობარი ქვეყნის ერთ-ერთი მაღალჩინოსანი გეგმავს საქართველოში გადატრიალებას, რევოლუციის მოწყობას, სისხლისღვრას. ძალიან მტკივნეულია და ძალიან მძიმეა. რა თქმა უნდა, ეს ადამიანი ცდილობს, რომ ამ ორ ქვეყანას შორის არსებულ მეგობრულ ურთიერთობას გარკვეული ბზარი შესძინოს, მაგრამ ეს ნამდვილად არ გამოუვა, ჩვენ წლებია უკრაინელ ხალხთან ვმეგობრობთ და მომავალშიც აუცილებლად ეს ურთიერთობები გაგრძელდება”