უსტიციის მინისტრის თეა წულუკიანის განცხადებით, საკონსტიტუციო სასამართლოს მიერ „რუსთავი 2“-ის საჩივარის წარმოებაში მიღება ხელისუფლებისთვის საგანგაშო არ არის, თუმცა კერძო სექტორისთვის ზიანის მომტანი იქნება.
,,დღევანდელი გადაწყვეტილება ვშიშობ, რომ ძალიან უარყოფით გავლენას იქონიებს ბიზნესზე, უარყოფით გავლენას იქონიებს ბანკებზე, რომლებსაც აღარ შეეძლებათ დაუყოვნებლივ აღსასრულებლად მიაქციონ ესა თუ ის გადაწყვეტილება და ზოგადად, ტრანზაქციებისა და კერძო სექტორისთვის ცუდი გადაწყვეტილება. სხვა მხრივ, აღმასრულებელი ხელისუფლებისთვის არაფერი საგანგაშო არ ხდება. მე მანერვიულებს ის, რომ ალბათ, ბიზნესი იქნება ძალიან უკმაყოფილო“, - განაცხადა იუსტიცის მინისტრმა ჟურნალისტებთან საუბარში.
მისივე თქმით, ამ გადაწყვეტილებით თუ ამ გადაწყვეტილების გარეშე, „რუსთავი 2“ იყო, არის და იქნება.
საკონსტიტუციო სასამართლომ „რუსთავი 2“-ის სარჩელი წარმოებაში მიიღო და საკითხის საბოლოო გადაწყვეტამდე, შეაჩერა იმ მუხლის მოქმედება, რომელიც დაუყოვნებელი აღსრულების ერთ-ერთი საფუძველი გახდებოდა.
