ფრაქცია „ქართული ოცნების“ თავმჯდომარეს, გია ვოლსკის საკონსტიტუციო სასამართლოს მიერ მიღებული გადაწყვეტილებები არ მოსწონს.
როგორც ჟურნალისტებს ვოლსკიმ განუცხადა, საკონსტიტუციო სასამართლოს გადაწყვეტილება უმაღლესი ინსტრუქციაა, რომლითაც სახელმწიფო ყოველთვის ხელმძღვანელობს.
„ზოგადად, მედია თავისუფლება უნდა იყოს და არცერთი მედიასაშუალება არცერთი პარტიის პოლიტიკურ ინტერესებს არ ითვალისწინებდეს. საკონსტიტუციო სასამართლოს მიერ ისეთი გადაწყვეტილებებია მიღებული, რომელიც არ მომწონს, მაგრამ აქ ნდობა, არნდობის თემა აქტუალური არ არის“, - დასძინა ვოლსკიმ.
საკონსტიტუციო სასამართლომ „რუსთავი“ 2-ის სარჩელი წარმოებაში მიიღო და საქმის დაუყოვნებლივ აღსრულების ნორმის ამოქმედება გადაწყვეტილების მიღებამდე შეაჩერა.
