თბილისის საქალაქო სასამართლოში რუსთავი 2-ის სასამართლო პროცესი დაიწყო.
ტელეკომპანიის ადვოკატები სხდომის დაწყებისთანავე სასამართლოს წინაშე რამდენიმე შუამდგომლობას დააყენებენ.
დღესვე მხარეებმა დასკვნითი სიტყვა უნდა წარმოთქვან.
ადვოკატების ვრცელი გამოსვლების შემდეგ მათ მიეცემათ რეპლიკების შესაძლებლობა და თუ ეს პროცედურები საღამოს ექვს საათამდე დასრულდა, მაშინ საქმის განხილვაც დასრულებული იქნება და მოსამართლე გადაწყვეტილების მისაღებად გავა.
პროცესს ევროკავშირისა და ამერიკის საელჩოს წარმომადგენლები ესწრებიან.
