უცნობმა პირებმა საქართველოს ბანკის კუთვნილი სწრაფი ჩარიცხვის აპარატი გაიტაცეს. შემთხვევა ოზურგეთში, დღეს დილით, გურიის სამხარეო ადმინისტრაციის მიმდებარე ტერიტორიაზე მოხდა.
გავრცელებული ინფორმაციით, გაძარცვული აპარატი მომხდარიდან რამდენიმე საათში ქალაქში იპოვეს. ბოლო ერთი თვის განმავლობაში, ეს ოზურგეთში სწრაფი ჩარიცხვის აპარატის გატაცების უკვე მეორე შემთხვევაა.
მომხდარზე საქმე ქურდობის მუხლითაა აღძრული.
