დიდი ბრიტანეთის ელჩი. ალექსანდრა ჰოლ ჰოლი სკანდალურ ვიდეოჩანაწერებთან დაკავშირებით საუბრობს და აცხადებს, რომ ერთის მხრივ შეშფოთებულია, პირადი საუბრების მოსმენების გამო, მაგრამ მეორეს მხრივ, მისი თქმით, ამ საუბრების შინაარსი იმედგაცრუებას იწვევს.
"მოხარული ვარ, რომ პოლიტიკოსებმა მთელი პოლიტიკური სპექტრიდან გააკეთეს განცხადებები და გარკვევით აღნიშნეს, რომ ძალადობრივი ინცინდენტების ორგანიზების განზრახვა არ არსებობს. ჩვენ ვაცხადებთ, რომ მედიის თავისუფლება უმნიშვნელოვანესი ღირებულებაა, რაშიც საქართველოს გარკვეული პროგრესი მიღწეული აქვს. შესაბამისად მე მესმის რატომ არის ასეთი ძლიერი ინტერესი რუსთავი 2-ის საქმესთან დაკავშირებით. რაც შეეხება იმ ჩანაწერებს, რომლებიც გავრცელდა გასულ კვირას, რა თქმა უნდა ერთის მხრივ შეშფოთებული ვარ, რომ ადამიანების პირადი საუბრები ისმინება, მაგრამ მეორეს მხრივ შინაარსი ამ საუბრების იმედგაცრუებას იწვევს, რადგან საქართველომ მიაღწია მნიშვნელოვან პროგრესს დემოკრატიის გზაზე და ახლა არ არის ძალადობის, რევოლუციებისა ან ფიზიკური ბარიერების აგების დრო. პროგრესის გზა გადის დემოკრატიაზე,"- აცხადებს დიდი ბრიტანეთის ელჩი საქართველოში.
მედიასთან საუბრის დროს მან ასევე შეაფასა გუშინ გამართული შუალედური არჩევნები და განაცხადა, რომ საარჩევნო კომისიამ პროცედურა ძალიან პროფესიონალურად ჩაატარა.
