პროკურატურის სისტემის რეფორმა უნდა გაგრძელდე, - განაცხადა იუსტიციის მინისტრმა საქართველოს იუსტიციის სასწავლო ცენტრში, სადაც პროკურატურის რეფორმის შესახებ მრგვალი მაგიდა გაიმართა.
„ვისაუბრეთ პროკურატურის რეფორმის ძლიერ მხარეებზე. ბატონმა მაიკლ ო’ ბოილმა აღნიშნა, რომ ეს არის რეალურად ისეთი ძლიერი მხარეები, რომლებიც წარმოადგენს საქართველოსთვის დამშვიდობებას წარსულთან. ვსაუბრობთ, აგრეთვე, კანონის იმ მხარეებზე, რომლებიც შეიძლება მომავალში დაიხვეწოს და ყველა ვთანხმდებით იმაზე, რომ ეს არის ფუძემდებლური ნაბიჯი პროკურატურის რეფორმირების სფეროში, და რომ უკვე სხვა საკითხებზე მუშაობა, რეფორმის შემდეგი ტალღა უნდა დაიგეგმოს და ამაზე უკვე დღეიდან უნდა დავიწყოთ მუშაობა“, − აღნიშნა თეა წულუკიანმა.
საქართველოს იუსტიციის სასწავლო ცენტრში პროკურატურის რეფორმის შესახებ მრგვალი მაგიდა გაიმართა, რომელსაც იუსტიციის მინისტრი თეა წულუკიანი, უზენაესი სასამართლოს თავმჯდომარე ნინო გვენეტაძე და საქართველოს მთავრობის სპეციალური მრჩეველი ადამიანის უფლებებსა და კანონის უზენაესობის საკითხებში მაიკლ ო’ ბოილი ესწრებოდნენ. შეხვედრაზე პროკურატურის სისტემაში განხორციელებული რეფორმები შეაფასეს და სამომავლო პერსპექტივების შესახებ იმსჯელეს.
შეხვედრას უძღვებოდა იუსტიციის მინისტრი. მრგვალი მაგიდა იუსტიციის სამინისტროსა და ევროპის საბჭოს ორგანიზებით გაიმართა.
