პარლამენტის თავმჯდომარე დავით უსუფაშვილი ირწმუნება, რომ სომხეთის პრეზიდენტ სეჟ სარგსიანთან დღეს გამართულ შეხვედრაზე საუბარი რუსეთიდან სომხეთში საქართველოს გავლით გაზის ტრანზიტის თემაზე არ გამართულა.
როგორც ჟურნალისტებს უსუფაშვილმა განუცხადა, სომხეთში გაზი საქართველოს გავლით მიედინება არა ბოლო სამი წელია, არამედ ათწლეულებია.
„იმის წინ ცხრა წელი რომ იყო, გაზი სომხეთში მაშინაც საქართველოს გავლით მიედინებოდა და იმის წინ რომ წლები იყო, რუსეთიდან სომხეთში გაზი მაშინაც ასე მიედინებოდა. ის, რომ გაზი სომხეთს რუსეთიდან საქართველოს გავლით მიეწოდება, ეს ათწლეულების მოვლენაა და ამაში ახალი არაფერია“, - დასძინა უსუფაშვილმა.
დავით უსუფაშვილი სერჟ სარქსიანს დღეს შეხვდა.
