დემოკრატიულ მოძრაობის ლიდერი ნინო ბურჯანაძე მიიჩნევს, რომ ქართულ ოცნებას არჩევნებზე ჰაერივით სჭირდება ნაციონალური მოძრაობა, რათა მოსახლეობა დააყენოს მხოლოდ ამ ორი არჩევანის წინაშე.
უკრაინულ საიტზე გავრცელებულ აუდიო ჩანაწერებთან დაკავშირებით, ბურჯანაძე აცხადებს, რომ ეს ბიძინა ივანიშვილის პოლიტიკური თამაშის ნაწილია, ხელისუფლების შესანარჩუნებლად.
"ეს არის ის პოლიტიკური თამაში, რომელიც დაგეგმა ქართულმა ოცნებამ და ბიძინა ივანიშვილმა იმისათვის, რომ რაც შეიძლება დიდხანს დარჩნენ ხელისუფლებაში. ქართულ ოცნებას ჰაერივით ჭირდება ნაციონალური მოძრაობა, როგორც საფრთხობელა, რომ შეინარჩუნოს ნაციონალური მოძრაობა 2016 წლის საპარლამენტო არჩევნებისთვის, რათა მოსახლეობა დააყენოს არჩევანის წინაშე - ქართული ოცნება თუ ნაციონალური მოძრაობა", - განაცხადა ბურჯანაძემ.
