ფრაქცია „ქართული ოცნების“ წევრი ირაკლი სესიაშვილი მიიჩნევს, რომ „ნაციონალური მოძრაობა“ გაკოტრებული პოლიტიკური ძალაა, რომელსაც მხარდამჭერები სულ უფრო და უფრო უმცირდება.
როგორც ჟურნალისტებს სესიაშვილმა განუცხადა, ამ პოლიტიკურ ძალას ძალიან დიდი შიში აქვს - პოლიტიკური ასპარეზიდან საერთოდ არ გაქრეს.
„მათ განცდა აქვთ, რომ თავის დროზე, მათ ყველას დანაშაული ჩადენილი აქვთ და ეს ადრე თუ გვიან ამოტივტივდება. მათ ჰგონიათ, რომ რადგან პოლიტიკოსის მანტია აცვიათ, ეს დაიცავთ. მთელი ეს სამი წელი, ისინი გვიცხადებდნენ, რომ ისინი არიან მთავარი ოპოზიციური ძალა საქართველოში. ეს პოლიტიკურად მათთვის იყო არა მომგებიანი პოზიციის ჩვენება, არამედ თავდაცვის საშუალება. სააკაშვილი უკრაინაში წავიდა არა იმისათვის, რომ უკრაინაში პოლიტიკური კარიერის გაკეთებს სურს, არამედ რევანისთვის. ამ ფონზე, მათთვის „რუსთავი 2“ როგორც აქამდე იყო, ასევე ახლაც საშუალებაა იმის, რომ გაკოტრებული პოლიტიკური მოცემულობა რევოლუციურ მოცემულობაში გადაიყვანონ და ამით დასავლეთისა და ადგილობრივი მოსახლეობის თვალში საკუთარი თავის რეაბილიტაცია როგორმე მოახდინონ“, - განაცხადა სესიაშვილმა.
