პარლამენტის თავდაცვის კომიტეტის თავმჯდომარე ირაკლი სესიაშვილი ვარაუდობს, რომ ე.წ. ბოევიკები, რომლის თაობაზეც ყოფილი პრეზიდენტი მიხეილ სააკაშვილი საუბრობს, ძალოვანი უწყებიდან გაშვებული პირები არიან.
როგორც ჟურნალისტებს სესიაშვილმა განუცხადა, ვინც არ უნდა შეფუთოს, რომ სიტყვა „ბოევიკი“ კუნთმაგარ ბიჭებს ნიშნავს, ეს ნაცრის თვალებში შეყრაა.
მისი თქმით, თავის დროზე, „ნაციონალურ მოძრაობას“ შემსულებლები ჰყავდა, რომლებიც თავს სხვადასხვა პოლიტიკური პროცესების დროს იჩენდნენ. კერძოდ, როცა მოსახლეობასა და მომიტინგეებს არბევდნენ და შავ-ბნელ დავალებებს ასრულებდნენ.
„ხელისუფლებაში რომ მოვედით, ბევრი მართგანი სამსახურიდან გავყარეთ. სამწუხაროდ, ხშირად გვესმის, რომ ესა თუ ის მოძალადე ისევ სახელმწიფო სამსახურში მუშაობს. შესაძლებელია, ეს ასე არის, მაგრამ დაახლოებით 90-95 პროცენტი ჩვენ სამსახურებიდან გავყარეთ. ე.წ. ზონდერები გიგი უგულავამ შეიფარა, როცა თბილისის მერიაში უსაფრთხოების სამსახური შექმნა. ეს ადამიანები დღეს, „ნაციონალური მოძრაობის“ გარშემო არიან შემოკრებილნი - ზოგი სხვადასხვა სატელიტ ორგანიზაციაშია და ზოგი როგორც ჩანს, ამ გეგმების შემუშავებაში მონაწილეობს. ეს ადამიანები არსებობენ და თუ რაიმეს დააშავებენ, რეაგირება მხოლოდ მაშინ გვექნება. მათი ნაწილი „ნაციონალური მოძრაობის“ მმართველობის მსხვერპლნი არიან და ვის როდის მიეცემა შანსი ნორმალ ქვეყანაში ნორმალურად იცხოვროს, ეს მათი მათი გადასაწყვეტია“, - განაცხადა სესიაშვილმა.
