ე.წ.კორტების საქმეზე მსჯავრდებულების ადვოკატები, განაჩენის სააპელაციო წესით გასაჩივრებას გეგმავენ. მოსამართლის განაჩენის გამოცხადების შემდეგ, ბრალდებულების ერთ-ერთმა ადვოკატმა დავით ხაჟალიამ განაცხადა, რომ არგუმენტების გაცნობის შემდეგ, განაჩენი სააპელაციო სასამართლოში გასაჩივრდება.
"მას შემდეგ რაც მივიღებთ დასაბუთებულ გადაწყვეტილებას, გავეცნობით არგუმენტებს რის საფუძველზე მივიდა მოსამართლე ამ დასკვნამდე და ამის შემდეგ ბუნებრივია, გავასაჩივრებთ სააპელაციო სასამართლოში", - განაცხადა დავით ხაჟალიამ.
შეგახსენებთ, გიორგი ცააძეს და ირაკლი ფირცხალავას 12 წლით თავისუფლების აღკვეთა მიესაჯათ. სასამართლომ ე.წ. კორტების სპეცოპერაციისსაქმეზე, განზრახ მკვლელობის ბრალდებით, დამნაშავედ ხუთი ბრალდებულიდან ორი სცნო.
კახა ნაკანს საბოლოო სასჯელად 6 წელი განესაზღვრა. გიორგი ბეროძეს 4 წლით თავისუფლების აღკვეთა შეეფარდა. აგრიგოლ კვინიკაძეს, დაუსწრებლად მოსამართლის გადაწყვეტილებით, 4 წლითა და 6 თვით პატიმრობა შეეფარდა
