ტელეკომპანია რუსთავი 2-ის შესასვლელთან ყველა სატვირთო ავტომობილს საპატრულო პოლიცია ამოწმებს, - ინფორმაციას ამის შესახებ ტელეკომპანია ავრცელებს.
რუსთავი 2-ის კუთვნილი ერთ-ერთი მანქანის შემოწმების დროს, ადგილზე სამაუწყებლო კომპანიის გენერალური დირექტორი ნიკა გვარამია მივიდა და მოითხოვა განმარტება, თუ კანონის რომელი ნორმის საფუძველზე ხდებოდა სატვირთო ავტომობილების შემოწმება. კითხვაზე ნიკა გვარამიამ პასუხად მხოლოდ ის მიიღო, რომ ეს იყო დავალება და ისინი ამ დავალებას ასრულებდნენ.
