მოძრაობა ,,ივერიის” დამფუძნებელი ნიკა რურუა რუსთავი 2-ის ირგვლივ განვითარებულ მოვლენებს აფასებს და აცხადებს, რომ სიტყვის თავისუფლების გარეშე გამორიცხულია დემოკრატია. მისივე თქმით, არ არსებობს ნახევრად დემოკრატიული სახელმწიფო.
„ჩვენი დემოკრატია კონსოლიდირებული რომ გახდეს, საქართველო რომ ევროპის ნაწილად გადაიქცეს უნდა იყოს სიტყვის თავისუფლება, რადგან, ის არის სარკე, რომელიც მთავრობას აჩვენებს თავის მინუსებს და პლუსები ექნება - პლუსებსაც. მაგრამ, ეს არის თავისუფალი სივრცე, სადაც დემოკრატიული დებატი მიმდინარეობს. ამის გარეშე გამორიცხულია დემოკრატია. არ არსებობს ნახევრად თავისუფალი, ნახევრად დემოკრატიული სახელმწიფო, როგორც ნახევრად ფეხმძიმე არ არსებობს, ასეა დაახლოებით," - განაცხადა ნიკა რურუამ.
