სამხარაულის სასამართლო სამედიცინო ექსპერტიზის ბიურომ, რუსთავი2 -თან დაკავშირებული საექსპერტო დასკვნა, რვა მოთხოვნილი დოკუმენტების ნაირსახეობიდან მხოლოდ ერთის საფუძველზე გასცა.
როგორს სასამართლოს სხდომაზე რუსთავი 2-ის ადვოკატის ზაზა ბიბილაშვილის საპასუხოდ სამხარაულის სასამართლო სამედიცინო ექსპერტიზის ბიუროს ფინანსური ექსპერტიზის სამმართველოს უფროსმა შოთა ივანაშვილმა განაცხადა ხალვაშის მხარემ, ექსპერტიზისთვის სრულყოფილად წარადგინა მხოლოდ კომპანიის წესდება.
2015 წლის წინ 2 სექტემბერს სამხარაულის სასამართლო სამედიცინო ექსპერტიზის ბიუროს ფინანსური ექსპერტიზის სამმართველომ წერილით მიმართა ფიზიკურ პირს პაატა სალიას.
„ლ. სამხარაულის სასამართლო სამედიცინო ექსპერტიზის ბიურო, თქვენი 2015 წლის 2 სექტემბრის განცხადების საფუძველზე პასუხად გაქცნობებთ, რომ:
კომპანიის წილის შეფასების მიზნით დანუშნული ექსპერტიზის სრულყოფილად ჩატარებისათვის საჭირო არის ქვემოთ ჩამოთვლილი მასალების წარმოდგენა 2005 წლის 26 დეკმებრიდან, 2006 წლის 17 ნოემბრის მდგომარეობით. კერძოდ:
- წესდება;
- ინფორმაცია კომპანიის საქმიანობის შესახებ;
- კომპანიის ბალანსი;
- მოგება ზარალისა და ფულადი მოძრაობის შესახებ ნაგარიშგება;
- დებიტორებისა და კრედიტორების შესახებ დეტალური ჩამონათვალი;
- ბალანსე რიცხული უძრავი და მოძრავი ქონებების ჩამონათვალი; საკადასტრო კოდები ადგილმდებარეობის, მდგომარეობის, საწყისო საბალანსო და ნარჩენი ღირებულების მითითებით;
- სხვა კომპანიაში წილის ფლობის შესახებ ინფორმაცია;
- 2004-2006 წლებში აღნიშნულ კომპანიაში წლიების რეალიზაციის შესახებ ინფორმაცია;“
აღნიშნული წერილის საპასუხოდ, სამხარაულის სასამართლო სამედიცინო ექსპერტიზის ბიუროს სრულყოფილად წარედგინა მხოლოდ კომპანიის წესდება და არც ერთი სხვა ოფიციალური დოკუმენტი. ამის მიუხედავად ექსპერტიზის ბიურომ წილებთან დაკავშირებით საექსპერტო დასკვნა გასცა.
მოსამართლემ არ დააკმაყოფილა რუსთავი 2-ის ადვოკატების შუამდგომლობა და საქმის მასალებიდან არ ამოიღო ექსპერტის მიერ გაცემული დასკვნა, რომელის არ ეყრდნობა სრულყოფილ დოკუმენტაციას და გაცემულია საერთაშორისო ნორმების მოთხოვნის დარღვევით.
პროცესზე ექსპერტმა შოთა ივანაშვილმა განმარტა, რომ მას არ აქვს ვალდებულება გადაამოწმოს წარდგენილი დოკუმენტაციის/ინფორმაციის სისწორე.
აღნიშნულზე საძაგლიშვილმა ექსპერტს განუმარტა და სასამართლოს გააცნო საერთაშორისო ნორმების მოთხოვნა, რომლის საფუძველზეც, ექსპერტი ვალდებულია გადაამოწმოს მისთვის წარდგენილი ინფორმაციის სისწორე.
„წარმოიდგინეთ, რომ მე, დიმიტრი საძაგლიშვილმა, წარმოგიდგინეთ ვორდის ფაილი, სადცა წერია, რომ ვარ „ჯენერალ მოტორსის“ ფინანსური დირექტორი. შეაფასებთ თუ არა თქვენ „ჯენერალ მოტორის“ წილებს?“, - ჰკითხა საძაგლიშვილმა ექსპერტს.
„რა თქმა უნდა შევაფასებ“, - უპასუხა შოთა ივანაშვილმა.
