დღეს, რუსთავი 2-ის სასამართლო პროცესზე სამხარაულის სასამართლო სამედიცინო ექსპერტიზის ბიუროს ფინანსური ექსპერტიზის სამმართველოს უფროსმა შოთა ივანაშვილმა მზადყოფნა გამოთქვა შეაფასოს „ჯენერალ მოტორის“ წილები იმ შემნთხვევაში, თუ ადვოკატი დიმიტრი საძაგლიშვილი მას მიმართავს წერილით (ვორდის ფაილით) სადაც ეწერება, რომ საძაგლიშვილი „ჯენერალ მოტორსის“ ფინანსური დირექტორია.
ადვოკატი ექსპერტთან შეეცადა გაერკვია, რის საფუძველზე დაადგინა მან მოსარჩლე მხარის მიერ წარდგენილი დოკუმენტაციის სისწორე, მისი გადამოწმების გარეშე.
შოთა ივანაშვილმა განმარტა, რომ მას არ აქვს ვალდებულება გადაამოწმოს წარდგენილი დოკუმენტაციის/ინფორმაციის სისწორე.
აღნიშნულზე საძაგლიშვილმა ექსპერტს განუმარტა და სასამართლოს გააცნო საერთაშორისო ნორმების მოთხოვნა, რომლის საფუძველზეც, ექსპერტი ვალდებულია გადაამოწმოს მისთვის წარდგენილი ინფორმაციის სისწორე.
„წარმოიდგინეთ, რომ მე, დიმიტრი საძაგლიშვილმა, წარმოგიდგინეთ ვორდის ფაილი, სადცა წერია, რომ ვარ „ჯენერალ მოტორსის“ ფინანსური დირექტორი. შეაფასებთ თუ არა თქვენ „ჯენერალ მოტორის“ წილებს?“, - ჰკითხა საძაგლიშვილმა ექსპერტს.
„რა თქმა უნდა, შევაფასებ“, - უპასუხა შოთა ივანაშვილმა.
