სამხარაულის სასამართლო სამედიცინო ექსპერტიზის ბიუროს ფინანსური ექსპერტიზის სამმართველოს უფროსმა შოთა ივანაშვილმა, დასკვნა ერთ სამუშაო დღეში მოამზადა, მიუხედავად იმისა, რომ 10 სამუშაო დღე ჰქონდა. ამის შესახებ რუსთავი 2-ის საქმეზე მიმდინარე სასამართლო პროცესზე გახდა ცნობილი.
შოთა ივანაშვილმა, რომელიც მოწმის სტატუსით იკითხება განაცხადა, რომ მას მოთხოვნილი ჰქონდა 8 სახის დოკუმენტი, საიდანაც ხალვაშის წარმომადგენელმა წარუდგინა - 2.
რუსთავი 2-ის ადვოკატის კითხვაზე, თუ რატომ არ მოითხოვა დანარჩენი დოკუმენტები, მოწმემ უპასუხა, რომ არ იცის, თუ რატომ არ მოითხოვა.
"ალბათ, ჩავთვალე რომ საკმარისი იყო", - განაცხადა შოთა ივანაშვილმა.
ამის შემდეგ კითხვაზე, ჰქონდა თუ არა უფლება არასრული დოკუმენტების პირობებში უარი ეთქვა ექსპერტიზაზე, ივანაშვილმა აღნიშნა, რომ არ თქვა უარი და დასკვნა ერთ სამუშაო დღეში მოამზადა, მიუხედავად იმისა, რომ 10 სამუშაო დღე ჰქონდა.
