გრიბოედოვის თეატრს 170 წელი უსრულდება. ამ თარიღთან დაკავშირებით, საქართველოს კულტურისა და ძეგლთა დაცვის სამინისტროს მხარდაჭერით, თბილისი სხვადასხვა საიუბილეო ღონისძიებას მასპინძლობს.

28 ოქტომბერს, 19:00 საათზე, ალ. გრიბოედოვის თეატრის დიდ დარბაზში მოეწყობა საზეიმო საღამო, რომელიც საქართველოში რუსული თეატრის 170 წლისთავს ეძღვნება. ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძე დაესწრება.

გრიბოედოვის თეატრში ამავე დღეს გაიხსნება სახალხო არტისტების გიგა ლორთქიფანიძისა და ლეონიდ ვარპახოვსკის მემორიალური დაფები. შედგება წიგნის „ბედის პარტიტურა. ლეონიდ ვარპახოვსკი“ პრეზენტაცია.

გრიბოედოვის თეატრის 170 წლის იუბილესთან დაკავშირებით, სხვადასხვა ღონისძიება თბილისში 26-დან 30 ოქტომბრის ჩათვლით იმართება. ღონისძიებებში მონაწილეობენ  ქართული თეატრის წარმომადგენლები, თეატრების დირექტორები და სამხატვრო ხელმძღვანელები 21 ქვეყნიდან. იუბილეს სპეციალური სტუმრები არიან სახალხო არტისტები ოლეგ ბასილაშვილი, ვასილ ლანოვოი და ირინა მურავიოვა.

საიუბილეო ღონისძიებების პროგრამა 28- 29 ოქტომბერი, 2015 წ.

28 ოქტომბერი

11.00 – 15.00 

ალ.გრიბოედოვის თეატრის მცირე დარბაზი (რუსთაველის გამზ., 2)

კონფერენცია „რუსული თეატრი საზღვარგარეთ. პრობლემები და პერსპექტივები“.

11.00 – 12.30 

მრგვალი მაგიდა „საზრვარგარეთის რუსული თეატრები და მას-მედია“.

13.00 – 15.00

მრგვალი მაგიდა „საზღვარგარეთის რუსული თეატრები და საფესტივალო მოძრაობა. საგასტროლო საქმიანობის ორგანიზება და მნიშვნელობა“.

18.30  

ალ.გრიბოედოვის სახ. თეატრის დიდი ფოიე (რუსთაველის გამზ., 2)

სახალხო არტისტების გიგა ლორთქიფანიძისა და ლეონიდ ვარპახოვსკის მემორიალური დაფების გახსნა.

წიგნის „ბედის პარტიტურა. ლეონიდ ვარპახოვსკი“ პრეზენტაცია სერიიდან „რუსები საქართველოში“.

19.00

ალ.გრიბოედოვის თეატრის დიდი დარბაზი  (რუსთაველის გამზ., 2)

საზეიმო საღამო, მიძღვნილი საქართველოში რუსული თეატრის 170 წლისთავისადმი.

29 ოქტომბერი,

10.00

ექსკურსია ძველ თბილისსა და მცხეთაში.

 16.00

ალ.გრიბოედოვის თეატრის მცირე ფოიე და მცირე დარბაზი (რუსთაველის გამზ., 2)

ალექსანდრე სოლჟენიცინის რუსული საზღვარგარეთის სახლის წიგნის გამოფენის გახსნა

საქართველოს შოთა რუსთველის თეატრისა და კინოს სახელმწიფო უნივერსიტეტის და თბილისის ივ.ჯავახიშვილის სახ. სახელმწიფო უნივერსიტეტის ბიბლიოთეკებისთვის საჩუქრად წიგნების გადაცემის ცერემონია. შეხვედრა ა.ვარლამოვთან.

18.00  

ალ.გრიბოედოვის სახ. თეატრის დიდი დარბაზი (რუსთაველის გამზ.2)

პრემიერა. სპექტაკლი „რევიზორი“ ნ.გოგოლის პიესის მიხედვით. რეჟისორი - ავთანდილ ვარსიმაშვილი, საქართველოს სახელმწიფო პრემიის ლაურეატი, კ.მარჯანიშვილის პრემიის ლაურეატი.