ტაჯიკეთის თავდაცვის მინისტრის ყოფილი მოადგილე აბდუხალიმ ნაზარზოდე დუსანბესა და ვახდატში განხორციელებულ ტერაქტებთან კავშირს უარყოფს. საგანგებო განცხადება მან სოციალურ ქსელ ფეისბუკში გაავრცელა. ყოფილი სამხედრო მაღალჩინოსნის მტკიცებით, მილიციის განყოფილებებზე თავდასხმები ხელისუფლების დაკვეთით განხორციელდა, რათა ყოფილ საველე მეთაურებზე ზეწოლა განეხორციელებინათ. ტერაქტების სერია ტაჯიკეთში 2 დღის წინ განხორციელდა, რასაც ოფიციალური მონაცემებით, 8 სამხედრო მოსამსახურე ემსხვერპლა. ხელისუფლება ტერაქტების ორგანიზებაში ნაზარზოდეს ადანაშაულებს.
