"ეროვნული საბჭო" "ალიანსი საქართველოსთვის" შეთავაზებას დღეს უპასუხებს.
როგორც "ჯი-ეიჩ-ენს" საბჭოში განუცხადეს, აღნიშნულთან დაკავშირებით მათი პოზიცია სპეციალურ პრესკონფერენციაზე გახმოვანდება.
ამ მიზნით დღეს, 12:00 საათზე, ბრიფინგს "ეროვნული საბჭოს" ერთ-ერთი ლიდერი კახა კუკავა გამართავს.
შეგახსენებთ, რომ "ალიანსი" არჩევნებში მონაწილე ოპოზიციურ ძალებს თბილისის მერობის საკუთარი კანდიდატის მოხსნისა და ირაკლი ალასანიას მხარდაჭერის სანაცვლოდ, თბილისის საკრებულოს თავმჯდომარეობის მათი კანდიდატის მხარდაჭერას სთავაზობს.
აღსანიშნავია, რომ "ალიანსი საქართველოსთვის" შეთავაზებაზე "ქრისტიან-დემოკრატებმა" უკვე უარი განაცხადეს.
