მსოფლიოში ყველაზე გრძელი პირდაპირი ავიარეისი დუბაი-პანამა გახდება, რომლის ხანგრძლივობაც 17:35 საათი იქნება. ავიარეისს ავიაკომპანია Emirates-ი განახორციელებს, რომელიც ოპერირებას ამ მიმართულებაზე 2016 წლის 1-ელი თებერვლიდან შეუდგება. ავიაკომპანია აღნიშნულ მიმართულებაზე ფრენას Boeing 777-200 LR-ით განახორციელებს.
ავიაკომპანიაში აცხადებენ, რომ პანამა Emirates-თვის ცენტრალურ ამერიკაში ჩვენი პირველი მიმართულება იქნება, რომელიც მგზავრებს მაქსიმალურ კომფორტს შესთავაზებს.
აღსანიშნავია, რომ გასულ წელს Emirates-მა გასულ წელს დიდ მანძილზე ფრენების განსახორციელებლად ყველაზე მეტი ხომალდი მიიღო. საუბარია 27 ერთეულ Airbus-სა და Boeing-ზე, რომელთა ღირებულება 5,2 მლრდ დოლარია.
წლის ბოლომდე Emirates-ი საკუთარ რეისებს ოთხ ახალ მიმართულებას დაამატებს.
