დონეცკში, გასულ ღამით, ეუთოს ოთხი ჯავშნიანი ავტომობილი დაიწვა. ამის შესახებ ინფორმაციას ეუთოს სპეციალური მისია სოციალურ ქსელ „ტვიტერზე“ ავრცელებს.
„ამ ღამეს დონეცკში, სპეციალური სადამკვირვებლო მისიის ოფისთან ახლოს, ეუთოს ოთხი ჯავშნიანი ავტომობილი განადგურდა. სავარაუდოდ, ცეცხლის წაკიდების შედეგად. მისია გმობს ამგვარ ქმედებებს. დეტალები მოგვიანებით გახდება ცნობილი“, - ნათქვამია განცხადებაში.
ე.წ. დონეცკის სახალხო რესპუბლიკის საგანგებო სიტუაციების სამინისტროს წარმომადგენელმა კი, „რია ნოვოსტისთან“ განაცხადა, რომ გასულ ღამეს დონეცკში ეუთო-ს მისიის ექვსი ავტომობილი დაიწვა, მათგან სამი სრულად განადგურდა.
