ხვალ, 24 ივლისს, 10:00 სთ-ზე, საქართველოს პარლამენტის ეროვნული ბიბლიოთეკის საკონფერენციო დარბაზში საქართველო-ჩინეთის თავისუფალი ვაჭრობის შეთანხმების მიზანშეწონილობის ერთობლივი კვლევის წინასწარი შედეგების პრეზენტაცია გაიმართება. ღონისძიებას გახსნის საქართველოს ეკონომიკისა და მდგრადი განვითარების მინისტრის მოადგილე მიხეილ ჯანელიძე.
ღონისძიების ორგანიზატორები საქართველოს ეკონომიკისა და მდგრადი განვითარების სამინისტრო და „პოლიტიკისა და მართვის საკონსულტაციო ჯგუფი“ (PMCG) არიან.
კვლევა ჩინურ მხარესთან ერთად განახორციელა პოლიტიკისა და მართვის საკონსულტაციო ჯგუფმა (PMCG) ეკონომიკისა და მდგრადი განვითარების სამინისტროსთან მჭიდრო თანამშრომლობით.
