ირანის ბირთვულ პროგრამასთან დაკავშირებით შეთანხმებას საერთაშორისო ექვსეულმა შესაძლოა ხვალამდე მიაღწიოს. ამის შესახებ სააგენტო “როიტერი” იტყობინება. უახლოეს საათებში თეირანის ბირთვული პროგრამის საკითხზე ვენაში საერთაშორისო ექვსეულის საგარეო საქმეთა მინისტრების შეხვედრა იგეგმება, რომელზეც სავარაუდოდ მოლაპარაკების დეტალებს გააჟღერებენ. წინასწარ შეთანხმებას მხარეებმა აპრილში მიაღწიეს. თეირანი სანქციების მოხსნის სანაცვლოდ ბირთვული პროგრამის შეზღუდვას და ქვეყნიდან ურანის მარაგის გატანას დათანხმდა.
