შეერთებული შტატები საბჭოთა წარსულის აღდგენას არ დაუშვებს. ამის შესახებ აშშ თავდაცვის მდივანმა ეშტონ კარტერმა განაცხადა. „ჩვენ არ გვსურს რუსეთთან ცივი ომის განახლება და არც ის გვსურს რუსეთი მტრად განვიხილოთ, მაგრამ შეერთებული შტატები საკუთარი პარტნიორი ქვეყნების უსაფრთხოებასა და ინტერესებს დაიცავს. ჩვენ არ მივცემთ კრემლს იმის უფლებას, ჩვენი მეგობარი ქვეყნები წარსულში დააბრუნოს,“-აღნიშნა კარტერმა.
