დონეცკში შესაძლოა რადიაციას გაეჟონა. ამის შესახებ ანტიტერორისტული ოპერაციის პრეს-ცენტრი იტყობინება. გავრცელებული ინფორმაციით, გაჟონვა შესაძლოა პესკის რაიონში მდებარე სამხედრო ბაზიდან მომხდარიყო, სადაც რადიოაქტიური ნივთიერებები ინახება. გენერალ-მაიორ ანდრეი ტარანის განმარტებით, სამარხი სეპარატისტთა მიერ კონტროლირებად ტერიტორიაზე მდებარეობს, რაც ოფიციალური კიევის განსაკუთრებულ შეშფოთებას იწვევს. დონბასის დეფაქტო ლიდერებს რადიაციის გაჟონვის ფაქტი ჯერჯერობით არ დაუდასტურებიათ.
