სამორინეს ხელმძღვანელი, ან დაფუძნებელი ვერ იქნება ის პირი, რომელიც ნასამართლევია ეკონიმიკური, ან მძიმე და განსაკუთრებით მძიმე დანაშაულისთვის. აღნიშნულს, ,,ლატარიების, აზარტული და მომგებიანი თამაშობების მოწყობის შესახებ“ საქართველოს კანონში დაგეგმილი ცვლილება ითვალისწინებს, როემლიც პარალემნტში უკვე ინიცირებულია.
როგორც კანონპროექტის განმარტებით ბარათშია მითითებული წარმოდგენილი ცვლილების შედეგად, იკრძალება სამორინეს ნებართვის ორგანიზატორის ხელმძღვანელობასა და წარმომადგენლობაზე უფლებამოსილი პირი ან/და დამფუძნებელი (ასეთის არსებობის შემთხვევაში) იყოს ნასამართლევი ეკონომიკური, საფინანსო საქმიანობის სფეროში დანაშაულისთვის, ასევე მძიმე და განსაკუთრებით მძიმე დანაშაულისთვის.
ასევე წარმოდგენილი ცვლილებით, იკრძალება სამორინეს მოწყობის ნებართვის გაცემა ისეთ პირზე, რომლის ხელმძღვანელობასა და წარმომადგენლობაზე უფლებამოსილი პირი ან/და დამფუძნებელი (ასეთის არსებობის შემთხვევაში) არის ნასამართლევი ზემოაღნიშნულ დანაშაულებისათვის.
კანონპროექტის მიღების მიზანია, თავიდან იქნეს არიდებული ეკონომიკური და საფინანსო საქმიანობის სფეროში დანაშაულისთვის, ასევე მძიმე და განსაკუთრებით მძიმე დანაშაულისათვის ნასამართლევი პირის მხრიდან სამორინეში ხელმძღვანელად ან/და წარმომადგენლად მუშაობა. ამასთან, კანონპროექტის მიზანს წარმოადგენს ზემოაღნიშნული პირის მხრიდან სამორინეს დაფუძნების პრევენცია.
კანონპროექტის ავტორი საქართველოს ფინანსთა სამინიტროა.
