უკრაინის უშიშროების სამსახურმა საკუთარ რიგებში მოღალატე აღმოაჩინა. დაკავებული პოდპოლკოვნიკი რუსეთის სასარგებლოდ შპიონაჟს ეწეოდა.
ამის შესახებ სოციალურ ქსელ ,,ფეისბუკში” უკრაინის უშიშროების სამსახურის უფროსის მრჩეველი მარკიან ლუბკივსკი იუწყება.
მისი თქმით, 1974 წელს დაბადებული პოდპოლკოვნიკი ალექსეი ტრეტიაკი რუსეთის სამხედრო ძალების გენშტაბის მთავარი სადაზვერვო სამსახურის თანამშრომელთა მიერ იყო გადაბირებული.
,,ის მტრის დავალებით, აგროვებდა და მათ გადასცემდა ინფორმაციას ძირითადი შემადგენლობის, მათი ადგილსამყოფელის, შეზღუდული ხელმისაწვდომობის ოპერატიული მასალების, უკრაინის ეროვნული გვარდიისა და შეიარაღებული ძალების დისლოკაციის შესახებ.
დაკავების დროს ტრეტიაკოვს კონტრდაზვერვის წარმომადგენლებმა საბრძოლო მასალა უპოვეს. დაწყებულია წინასწარი გამოძიება.” - წერს ლუბკივსკი.
