საქართველოს ყოფილმა პრეზიდენტმა უკრაინაში კიდევ ერთი მაღალი თანამდებობა მიიღო. მიხეილ სააკაშვილი ოდესის გუბერნატორობასთან ერთად პრივატიზაციის მაკონტროლებელ ორგანოსაც ჩაიბარებს. უკრაინის ეკონომიკური განვითარებისა და ვაჭრობის სამინისტროში სპეციალური სამეთვალყურეო საბჭო შეიქმნა, რომელმაც ქვეყანაში დაწყებული მასობრივი პრივატიზაციის პროცესი უნდა გააკონტროლოს. საბჭოს საქართველოს ექსპრეზიდენტი უხელმძღვანელებს, რომელიც პირობას იძლევა, რომ პრივატიზაციის პროცესი გამჭვირვალედ წარიმართება და უკრაინის გაქურდვის უფლებას არავის მისცემს.
