ევროპარლამენტმა რუსეთის საწინააღმდეგო რეზოლუცია მიიღო. ევროპელი დეპუტატები ევროკავშირის წევრ ქვეყნებს რუსეთისთვის სანქციების გაგრძელებისკენ მოუწოდებენ. მათი თქმით, მოსკოვის მიმართ ნდობა მანამდე არ აღდგება, სანამ რუსეთი მინსკის შეთანხმებით აღებულ ვალდებულებებს არ შეასრულებს და ყირიმის ანექსიის გადაწყვეტილებას არ გადახედავს. რეზოლუციას მხარი 356 დეპუტატმა დაჭირა, წინააღმდეგ კი ხმა 183 დეპუტატმა მისცა.
