მინსკის სამშვიდობო შეთანხმების მიუხედავად, რუსეთი დონბასში იარაღის შეტანას განაგრძობს. ამის შესახებ გაეროში შეერთებული შტატების მუდმივმა წარმომადგენელმა სამანტა პაუერმა განაცხადა. მისივე თქმით, ვაშინგტონი უკრაინის სუვერენიტეტსა და ტერიტორიულ მთლიანობას მყარად უჭერს მხარს და ყირიმის ანექსიას არასდროს აღიარებს. “ჩვენ არ შეგვიძლია მივიღოთ ყირიმის ანექსია სტატუს-ქვოდ. გაეროს რუკები არ შეცვლილა და ყველა რუკაში ყირიმი დღემდე უკრაინის ნაწილია,”-აღნიშნა პაუერმა.
