კიდევ ერთი რადიკალური დაჯგუფება, რომელიც ისლამურ სახელმწიფოს დაუპირისპირდა. ამჯერად ჯიჰადისტებს ომი ლიბანურმა შიიტურმა დაჯგუფებამ ჰეზბოლამ გამოუცხადა. დაჯგუფების მებრძოლებმა სირია-ლიბანის საზღვართან ისლამისტთა იერიში მოიგერიეს, შეტაკებებს ისლამური სახელმწიფოს რამდენიმე მებრძოლი ემსხვერპლა. პირველი რადიკალური დაჯგუფება, რომელმაც ისლამურ სახელმწიფოს ომი გამოუცხადა, ავღანური თალიბანი იყო.
