პრემიერ-მინისტრმა ირაკლი ღარიბაშვილმა ფინანსთა მინისტრს ნოდარ ხადურს, ბიუჯეტის სეკვესტრირებული ვარიანტის, 10 ივნისამდე წარდგენა დაავალა. პრემიერმა მთავრობის დღევანდელ სხდომაზე განაცხადა, რომ ეკონომიკური ზრდის ტემპების გადახედვა, მთელს რეგიონში ხდება.
"სასწრაფოდ, 10 ივნისამდე წარმომიდგინეთ ბიუჯეტის ახალი ვარიანტი. ჩვენ ახალ რეალობას უნდა მოვერგოთ. ისე არ გამოვა, რომ სამინისტროები ითხოვენ ფულს – რაც აქვთ ის დახარჯონ. მთელს რეგიონში ხდება ეკონომიკური ზრდის ტემპების გადახედვა, ჩვენ კი იგივე სიტუაციაში ვართ. 5%-იანი ზრდა წელს არ იქნება. თქვენ იცით რეალობა, რომ მთელს მსოფლიოში და რეგიონში არის ეკონომიკური რეცესია. ასე რომ, რაც მალე მოვახდენთ ბიუჯეტის კორექტირებას, მით უკეთესი იქნება", - მიმართა პრემიერმა ნოდარ ხადურს.
მინისტრმა თავის მხრივ არნიშნა, რომ უწყება ბიუჯეტის კორექტირებაზე მუშაობს, თუმცა ეს ძალიან რთული პროცესია, რადგან როგი მინისტრები ბიუჯეტის გაზრდას ითხოვენ.
