ევროკავშირის ბრალდებაზე, რომ რუსეთის მიერ ევროკავშირის მოქალაქების ,,შავ სიაში’ შეყვანის მიზეზები გაურკვეველია, რუსეთის საგარეო საქმეთა სამინიტრომ საპასუხო განცხადება გააკეთა.
უწყების თქმით, თითოეული იმ ევროპელის პერსონა, რომელსაც ფედერაციის ტერიტორიაზე შესვლა ეკრძალება, მაქსიმალურად არის გადამოწმებული.
თუმცა, რუსეთის საგარეო საქმეთა მინისტრის მოადგილემ, ალექსი მეშკოვმა აღნიშნა, რომ გადაწყვეტილებების მიღების მექანიზმის გამოვლენას სამინისტრო არ აპირებს.
,,კონკრეტული ფორმულირებით, თუ რატომ შეგვყავს ესა თუ ის პირი ,,შავ სიაში,” ყოველ კანდიდატურაზე ცალ-ცალკე გადაწყვეტილა მიიღება.” - განაცხადა რუსმა დიპლომატმა.
ცოტა ხნით ადრე, ევროკავშირმა რუსეთის მიერ მისი მოქალაქეების ,,შავ სიაში” შეყვანის ფაქტს უსაფუძვლო და არალეგიტიმური უწოდა.
საგარეო საკითხებში ევროკავშირის სამსახურმა თავის განცხადებაში აღნიშნა, რომ რუსულმა მხარემ არ წარადგინა ახსნა-განმარტება, თუ რა კრიტერიუმებით ხდება აკრძალული სიის შედგენა.
სულ, მათ სიაში 89 ევროპელი პოლიტიკოსი და სამხედრო სამეთაურო ჯგუფის წარმომადგენელი მოხვდა.
