მზის ელემენტებზე მომუშავე თვითმფრინავმა ,,სოლარ იმპულს-2,” რომელსაც მსოფლიოს გარშემო უნდა ემოგზაურა, წყნარი ოკეანის თავზე ფრენისას ტექნიკური პრობლემების წინაშე არმოჩნდა.
ცუდი მეტეოროლოგიური პირობების გამო, მან მზის ენერგიით დამუხტვა ვერ შეძლო, ამიტომ ამ ფრენის საორგანიზაციო ჯგუფის ხელმძღვანელმა შვეიცარიელ პილოტს, ანდრე ბორშბერგს რეკომენდაცია მისცა, იაპონიაში დაშვებულიყო.
თვითმფრინავი ჩინეთში გუშინ დილით აფრინდა და კურსი წყნარი ოკეანისკენ აიღო. ჩინეთიდან ჰავაის კუნძულებმადე მანძილი მსოფლიოს გარშემო მოგზაურობის ყველაზე დაძაბული ეტაპი იყო, რომელიც მფრინავს 6 დღის განმავლობაში უნდა გაევლო.
თვითმფრინავი ,,სოლარ იმპულს-2,” რომლის
ფრთების გარშემოწერილობაც 72 მეტრს, ხოლო წონა - 2, 3 ტონას აღწევს, ფრენისთვის მხოლოდ მზის ელემენტებს იყენებს.
