უკრაინის პრეზიდენტმა პეტრო პოროშენკომ ოდესის ოლქის გუბერნატორად მიხეილ სააკაშვილის დანიშვნის შესახებ ბრძანებას ხელი მოაწერა. უკრაინის პრეზიდენტმა მიხეილ სააკაშვილს უკრაინის მოქალაქეობა მიანიჭა.
როგორც უკრაინის პრეზიდენტის ბრძანების ტექსტშია ნათქვამი, „საქართველოში დაბადებული მ. სააკაშვილი, რომელიც ამჟამად უკრაინაში ცხოვრობს, უკრაინის მოქალაქეობას იღებს“.
როგორც პოროშენკო „ფეისბუქში“ ოფიციალურ გვერდზე წერს, მას და სააკაშვილს ოდესის მიმართ სიყვარული აერთიანებთ.
„ჩვენ გვაერთიანებს ოდესის და უკრაინის მიმართ სიყვარული. მთელი გულითა და სულით ვუსურვებ წარმატებას ოდესის ოლქის ახალ გუბერნატორს“, - წერს პოროშენკო.
აღსანიშნავია, რომ სააკაშვილი უკრაინის მოქალაქეობის მიღების შემდეგ, ავტომატურად კარგავს საქართველოს მოქალაქეობას.
