ზელიმხან ხანგოშვილის დაჭრასთან დაკავშირებით ყველა შეკითხვას პასუხი გაეცემა. ამის შესახებ შინაგან საქმეთა მინისტრის მოადგილემ არჩილ თალაკვაძემ განაცხადა.
„ყველა საქმეზე საზოგადოების ინტერესი მაღალია. გამოვიძიეთ ძალიან დეტალურად და სრული ინფორმაცია მივაწოდეთ. ამაზე, რამდენადაც მაქვს ინფორმაცია, გამოძიება უკვე მიმდინარეობს და აუცილებლად გაირკვევა. ყველა შესაძლო შეკითხვას გაეცემა პასუხი. დაველოდოთ გამოძიების შედეგებს“, - განაცხადა არჩილ თალაკვაძემ.
ეთნიკურად ქისტი ზელიმხან ხანგოშვილი, რომელიც გუშინ დაჭრეს, ლაფანყურის სპეცოპერაციის საქმეში ფიგურირებს. ის მოწმის სახით რამდენჯერმე დაიკითხა. ხანგოშვილი ჩეჩნეთის ომის მონაწილეცაა.
