სახალხო დამცველი უა ნანუაშვილი საკონსტიტუციო სასამართლოს გადაწყვეტილებას, მაჟორიტარის არჩევისას ამომრჩეველთა რაოდენობის გათვალისწინებასთან დაკავშირებით, ისტორიულს უწოდებს.
"გადაწყვეტილება არის ისტორიული, რაც სერიოზულ ხარვეზებს ააშკარავებს, რომელიც მაჟორიტარულ საარჩევნო სისტემაში არსებობს, ის, რომ ამომრჩეველთა ხმებს უნდა ჰქონდეს თანაბარი წონა არის მარტივი ჭეშმარიტება და ამ გადაწყვეტილებამ სერიოზულ საარჩევნო რეფორმას უნდა დაუდოს საფუძველი," - განაცხადა უჩა ნანუაშვილმა.
საკონსტიტუციო სასამართლომ დააკმაყოფილა უჩა ნანუაშვილისა და მიხეილ შარაშიძის სარჩელი პარლამენტის წინააღმდეგ. გადაწყვეტილების თანახმად, მაჟორიტარის არჩევისას გათვალისწინებული უნდა იყოს ამომრჩეველთა და მაჟორიტარების პროპორციული რაოდენობა.
