ოკუპირებულ აფხაზეთში, აგუძერას სამხედრო ჰოსპიტალის ექიმებმა კოდორის ხეობის მოსახლეობას გეგმიური სამედიცინო შემოწმება ჩაუტარეს.
კოდორელების ჯანმრთელობის შემოწმება, სოფელ აჟარას საავადმყოფოში ორი დღის განმავლობაში მიმდინარეობდა. ამ აქციას ტრადიციული ხასიათი აქვს.
მას საფუძველი 2008 წლიდან, კოდორის ხეობის ოკუპაციის პერიოდიდან დაედო და ყოველწიურად, გაზაფხულსა და შემოდგომაზე ტარდება.
აფხაზი ექიმების მიერ დასმული დიაგნოზისა და გამოწერილი რეცეპტების მიხედვით, ოკუპირებული აფხაზეთის ჯანდაცვის სამინისტრო კოდორის ხეობის მოსახლეობისთვის, ამ აქციის ფარგლებში, მედიკამენტებს უფასოდ გასცემს.
