ჰაერის მაღალ ტემპერატურას და ანომალიურ სიცხეებს ინდოეთში უკვე 1 371 ადამიანი ემსხვერპლა.
დაახლოებით ერთი კვირაა, ქვეყნის სამხრეთ ნაწილში ჰაერის ტემპერატურა 47 გრადუს ცელსიუსზე დაბლა არ ჩამოსულა.
ადგილობრივი სამედიცინო დაწესებულებების ექიმებმა, უჩვეულოდ ცხელი ამინდების შედეგად მომრავლებული პაციენტების გამო დაგეგმილი შვებულება გადადეს.
განსაკუთრებით მძიმე მდგომარეობაა ტელანგანასა და ანდჰრა-პრადეშის შტატებში.
ანდჰრა-პრადეშის შტატში სიცხისგან 1 020 ადამიანი გარდაიცვალა.
დასავლეთ ბენგალიასა და ორისეაშიც ყოველდღიურად იზრდება ჰაერის მაღალი ტემპერატურის გამო გარდაცვლილთა რიცხვი.
გასული კვირის განმავლობაში, ინდოეთის მრავალ შტატსა და დედაქალაქ დელიში ტემპერატურამ 50 გრადუს ცელსიუსს მიაღწია.
შეგახსენებთ, რომ მაისი და ივნისი ინდოეთში ყველაზე ცხელი თვეებია და ამ პერიოდში ჰაერის ტემპერატურა 40 გრადუსს ხშირად სცდება.
მეტეოროლოგების მონაცემებით, ბოლო 15 წლის განმავლობაში, მაის-ივნისში საშუალო ტემპერატურამ მოიმატა და არათუ 40 გრადუსზე, 45 გრადუს ცელსიუსზე მაღლაც ადის.
