თბილისის საქალაქო სასამართლოში დედაქალაქის ყოფილი მერის გიგი უგულავას საქმის არსებითი განხილვა გაგრძელდება. პროცესზე უკანონო შემოსავლების ლეგალიზების საკითხს განიხილავენ.
შეგახსენებთ, აღნიშნულ საქმეზე ასევე ბრალდებულია შპს „საქართველოს ლატარიის კომპანიის“ ყოფილი ხელმძღვანელი ალექსანდრე გოგოხია, რომელიც ამჟამად საქართველოში არ იმყოფება.
ყოფილ მერს ბრალდება წარდგენილი აქვს ღონიაშვილთან და სხვა პირებთან ერთად, ჯგუფურად ჩადენილი განსაკუთრებით დიდი ოდენობით უკანონო შემოსავლის ლეგალიზაციისა და ყალბი ოფიციალური დოკუმენტის გამოყენების ორგანიზებისთვის. უგულავას ქვისლის, ღონიაშვილის საქმეს ნაფიცი მსაჯულები განიხილავენ.
უგულავას ბრალად ედება სევე, მარნეულის საოლქო საარჩევნო კომისიის თავმჯდომარის მიმართ 2014 წლის 05 ივნისს განხორციელებული იძულების და ჯგუფური მოქმედების ორგანიზება.
სხდომა დღეს 11:00 საათზეა ჩანიშნული.
