გრემისხევის თემიდან 42 წლის მამაკაცი, სასაფლაოდან გაიტაცეს. გია სოლაშვილი სოფელ ქარქუსაანში სიდედრის დაკრძალვაზე იმყოფებოდა. სასაფლაო ე.წ. საზღვართან მდებარეობს. ამის შესახებ ინფორმაციას „რუსთავი 2“ ავრცელებს. სოლაშვილი ამ დრომდე არ დაკავშირებია ოჯახის წევრებს. ზუსტი ინფორმაცია მისი ადგილსამყოფელის შესახებ უცნობია, თუმცა სავარაუდოდ ის ცხინვალის იზოლატორშია გადაყვანილი. სასაფლაო ოკუპირებულ ტერიტორიას ესაზღვრება, რის გამოც სოლაშვილების ოჯახი ვერც გარდაცვლილის დაკრძალვას ახერხებს.
როგორც ადგილობრივი რწმუნებული განმარტავს, ბოლო ერთი თვის განმავლობაში ეს გრემისხევიდან გატაცების მეხუთე შემთხვევაა.
