ორი პოლიციელის მკვლელობაში ბრალდებული შალვა აბულაძის წინასასამართლო სხდომა ორი თვით გადაიდო. სხდომა ახალციხის სასამართლოში 22 ივლისს გაიმართება.
ბრალდებულის ადვოკატი არჩილ ჩუბინიძე მიიჩნევს, რომ სხდომა მტკიცებულებების არარსებობის გამო გადაიდო.
შეგახსენებთ, შალვა აბულაძეს ბრალად ედება ორი პოლიციელის სიცოცხლის მოსპობა 23 იანვარსა და 4 აპრილს, ასევე ცეცხლსასროლი იარაღის მართლსაწინააღმდეგო შეძენა-შენახვა-ტარება.
