უკრაინაში დატყვევებული ერთ-ერთი რუსი სპეცრაზმელის მეუღლე ირწმუნება, რომ მისი ქმარი ნაწამებია. ალექსანდრ ალექსანდროვის ცოლმა ინტერვიუ „როსია 24“-ს მისცა. როგორც ალექსანდროვა აცხადებს, მისმა ქმარმა რუსეთის შეიარაღებული ძალები გასულ წელს დატოვა და ოჯახში თქვა, რომ „რაღაც სწავლების კურსზე“ მიდიოდა. ორი რუსი ოფიცერი უკრაინელებმა ლუგანსკში 17 მაისს დააკავეს და ტერორიზმის მუხლით ასამართლებენ. რუსული მხარის განცხადებით, დატყვევებული პირები მოქმედი სამხედრო მოსამსახურეები არ არიან.
