მაისის ბოლოს, აჭარაში ჩამოსულ მგზავრებს ახალი რკინიგზის სადგური „ბათუმი ცენტრალი“ (http://batumicentral.ge/) მოემსახურება. აჭარის ტურიზმის დეპარტამენტში აცხადებენ, რომ ახალი რკინიგზის სადგური ქალაქთან ახლოს, თამარ მეფის გზატკეცილზე მდებარეობს. კომპლექსში რკინიგზის სადგური, ავტოსადგური, ბიზნეს ცენტრი, გასართობი ცენტრები, კაფეები და სხვა მრავალფუნქციური დანიშნულების ობიექტები მოეწყობა. რკინიგზის სადგური „ბათუმი ცენტრალი“ ერთდროულად საათში 150 ადამიანს მოემსახურება. ავტოსადგურიდან კი საათში 30 ავტობუსის გასვლა იქნება შესაძლებელი.
