,,თავისუფალი დემოკრატების” წევრი ვიქტორ დოლიძე ქვეყანაში ყველაზე ძლიერ ოპოზიციურ ძალად ,,ნაციონალების” დასახელებას პარლამენტში მათი საკმაოდ დიდი წარმომადგენლობით ხსნის. ამის შესახებ, დოლიძემ ,,ჯი-ეიჩ-ენთან” საუბარში NDI-ის კვლევის კომენტირებისას განაცხადა.
,,რაც შეეხება NDI-ის კვლევაში ყველაზე ძლიერ ოპოზიციურ ძალად ,,ნაციონალების” დასახელებას, გამომდინარე იქიდან, რომ ისინი პარლამენტში ბევრნი არიან და თითქმის, 40%-ს შეადგენენ და საკანონმდებელო ორგანოში მათი პოზიციები დაფიქსირება, თუ ეთერში ყოფნა, ბუნებრივია აისახება შედეგზე და შესაძლოა ამიტომ მოხდა ამხელა ციფრის დასახელება. თუმცა ჩემთვის ყველაზე მეტი ციფრი არის საზოგადოებასთან ურთიერთობა, თუ რა აწუხებთ მათ”, _განაცხადა დოლიძემ.
კითხვაზე - რას ფიქრობს ,,პატრიოტთა ალიანსზე”, რომელიც მხოლოდ 1%-ით ჩამოუვარდება ,,თავაისუფალ დემოკრატებს” ქვეყანაში ყველაზე ძლიერ ოპოზიციურ პარტიათა რეიტინგში, დოლიძე აცხადებს:
,,ეს რეიტინგი არ არის პოლიტიკური პარტიის რეიტინგები, როცა NDI გამოაქვეყნებს მას, შემდეგ შეიძლება რეიტინგებზე საუბარი. მართალი გითხრათ არც ვაპირებ ,,პატრიოტთა-ალიანსს” შევედარო, ჩვენ უფრო სხვა ამბიციური გეგმები გაქვს”, _განაცხადა დოლიძემ.
მისივე განმარტებით, ის ფაქტი, რომ კვლევაში ქვეყნისთვის ყველაზე მნიშვნელოვან საკითხთა სამეულში ტერიტორიული მთლიანობის თემა არ მოხვდა, ძალიან ცუდია.
,,ეს ფაქტი ძალიან ცუდია და მეტყველებს იმაზე, რომ ეკონომიკურ-სოციალური სიდუხჭირე ქვეყანაში იმდენად წინა პლანზეა, რომ ყველაზე მნიშვნელოვანმა საკითხმა როგორიცაა ქვეყნის ტერიტორიული მთლიანობა, უკანა პლანზე გადაინაცვლა. ამიტომ, თუ არ გადაიდგა ნაბიჯები ეკონომიკური მდგომარეობის გასაუმჯობესებლად, ძალიან გაგვიჭირდება სახელმწიფოს მშენებლობა”, _განაცხადა ვიქტორ დოლიძემ.
დეპუტატი NDI-ის კვლევის შედეგებს ენდობა და აცხადებს, რომ ორგანიზაციამ ბევრი კარგი საქმე გააკეთა და აკეთებს საქართველოში.
,,ჩვენ არასდროს არ გვითქვამს, რომ NDI-ის არ ვენდობით, სხვათა შორის მან ბევრი კარგი საქმე გააკეთა და აკეთებს საქართველოში დემოკრატიული ინსტიტუტების განვითარების თვალსაზრისით. თუმცა, გახსოვთ არსებობდა შეკითხვები კვლევის მეთოდოლოგიასთან დაკავშირებით”, -აცხადებს დოლიძემ ჯი-ეიჩ-ენთან” საუბარში..
ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, გამოკითხულთა 44%, ქვეყანაში ყველაზე ძლიერ ოპოზიციურ პარტიად ,,ნაციონალებს” მიიჩნევს, მეორე პოზიციას ,,თავისუფალი დემეოკრატები” 6%-ით იკავებენ , მესამე ადგილზე კი ,,საქართველოს პატრიოტთა ალიასნია” - 5%-ით.
ამასთან გამოკითხულთა 84% მიიჩნევს, რომ ქვეყანაში ძლიერი ოპოზიციური პარტიის არსებობა მნიშვნელოვანია, ხოლო 4%-ის აზრით უმნიშვნელო.
გამოკითხვა 2015 წლის 27 მარტიდან–19 აპრილამდე პერიოდში, საქართველოს მასშტაბით 4,360 პირისპირ ინტერვიუს წარმომადგენლობითი შერჩევის საფუძველზე, ქვეყნის მოსახლეობას შორის ჩატარდა.
კვლევაში საშუალო ცდომილების ზღვარი არის +/- 2,3%.
NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).
