ექსპერტი თორნიკე შარაშენიძე მიიჩნევს, რომ მნიშვნელოვანი სამთავრობო ცვლილებების განსახორციელებლად ,,ქართულ ოცნებას” რესურსი არ გააჩნია. მისივე, თქმით, ქვეყანაში შექმნილი მდგომარეობის გამოსასწორებლად აუცილებელია შეიცვალოს სამთავრობო გუნდი და მიდგომები, და არა სამთავრობო პროგრამა.
,,განახლებული მთავრობის სამოქმედო პროგრამას არ გავცნობიარ, თუმცა პროგრამა არაფერ შუაშია, მნიშვნელოვანია შეიცვალოს სამთავრობო გუნდი და მიდგომა. თუ ეს არ შეიცვალა სამთავრობო პროგრამა არაფერს არ უშველის. ვერ ვხედავ საიდან უნდა მოიზიდოს ,,ქართულმა ოცნებამ” სათანადო რესურსი”, _განაცხადა შარაშენიძმე ,,ჯი-ეიჩ-ენთან” საუბარში.
კითხვაზე - თუ კოალიციაში კვალიფიციური კადრების ნაკლებლობაა, მაშინ როგორ უნდა შეიცვალოს სიტუაცია უკეთესობისკენ, შარაშენიძე აცხადებს:
,, ,,ქართული ოცნება” არსებითად უნდა შეიცვალოს, გახსნას კარი ახალი სახეებისთვის. მან უნდა შეიცვალოს დამოკიდებულება - ქვეყანაში არსებობენ ისინი და მათი მტრები, ,,ნაციონალები ”და მეტი არავინ. წინააღმდეგ შემთხვევაში არაფერი არ გამოვა. ერთ წელში ,,ქართულ ოცნებას” გადაირჩევენ”, _ აცხადებს ექსპერტი.
შეგახსენებთ, რომ გუშინ პრემიერმა დეპუტატებს განახლებული მთავრობის სამოქმედო პროგრამა გააცნო. დღეს კი მთავრობის განახლებულ შემადგენლობას პარლამენტი დღეს ნდობას გამოუცხადებს.
