რამზან კადიროვმა კიდევ ერთი სკანდალური განცხადება გააკეთა. ჩეჩნეთის ლიდერის თქმით, იმ შემთხვევაში, თუ სხვა რეგიონების სპეცსამსახურები ჩეჩნეთის ტერიტორიაზე სპეცოპერაციებს რესპუბლიკის ხელმძღვანელობასთან შეუთანხმებლად ჩაატარებენ, მათ ცეცხლს გაუხსნიან. "კიდევ ერთხელ ვაცხადებ: თუ ჩვენს ტერიტორიაზე ოპერაციებს ჩვენთან შეუთანხმებლად ჩაატარებენ, მნიშვნელობა არ აქვს, ვინ იქნებიან, მოსკოველები თუ სტავროპოლელები, მათ ცეცხლს გავუხსნით. ისინი ვალდებულნი არიან ანგარიში გაგვიწიონ,"-აღნიშნა ჩეჩნეთის ლიდერმა. კადიროვი სტავროპოლის პოლიციის მიერ ჩეჩნეთში მის დაუკითხავად ჩატარებულმა ოპერაციამ გააღიზიანა, რის შედეგადაც ფედერალურ ძებნაში მყოფი ჯამბულატ დადაევი დაიღუპა.
