20-22 მაისს, ბათუმში, ტურიზმისა და სასტუმრო აღჭურვილობის მე-8 საერთაშორისო გამოფენა EXPO Batumi 2015 გაიმართება. აჭარის ტურიზმის დეპარტამენტის ინფორმაციით, ღონისძიება სასტუმრო ”შერატონ ბათუმში” გაიმართება. დეპარტამენტის ინფორმაციითვე, გამოფენაში მონაწილეობენ სასტუმრო ქსელების, სასტუმრო აღჭურვილობის, დეკორაციების, რესტორნების და ტურიზმის სფეროში დასაქმებული სხვადასხვა კომპანიების წარმომადგენლები. გამოფენის მიმდინარეობისას იგეგმება სარეკლამო, საინფორმაციო ტურები, პრეზენტაციები მონაწილეთათვის და შეხვედრები მასმედიის წარმომადგენლებთან.
