ამერიკის შეერთებულ შტატებში ვიზიტით მყოფი პარლამენტის თავმჯდომარე, დავით უსუფაშვილი ჟურნალისტებთან საუბრისას ევროკომისრის საგარეო ურთიერთობათა საკითხებში, ფედერიკა მოგერინის განცხადებას გამოეხმაურა და განმარტა, რომ საქართველო სამეზობლო პოლიტიკასთან დაკავშირებით, ძალიან მყარად დგას ფეხზე.
„ევროკავშირთან დაკავშირებით და სამეზობლო პოლიტიკასთან დაკავშირებით, ჩვენ ძალიან მყარად ვდგავართ ფეხზე. ყველას შევახსენებ, ვინც ამ ამბავმა რაღაცნაირად შეაშფოთა, რომ საქართველოს ევროკავშირთან აკავშირებს იურიდიული დოკუმენტი - ამას ჰქვია „ასოცირების შეთანხმება“ და იმ შეთანხმებაში რაც წერია, ცხადია, შესრულდება საქართველოს მხრიდანაც და ევროპის მხრიდანაც. ასოცირების შეთანხმებით გათვალისწინებული ღონისძიებების განხორციელება ეს არის სწორედ ის გზა, რაზეც ჩვენ შევუთანხმდით ევროკავშირს და რაც გაგრძელდება, რომლის შეცვლას და გადახედვას არავინ აპირებს. შეგახსენებთ, რომ ამ „აღმოსავლეთ პარტნიორობის“ პროგრამაში გარდა იმ ქვეყნებისა, რომლებმაც უკვე მოაწრეს ხელი ასოცირების ხელშეკრულებას, არიან სხვა ქვეყნები, რომლებსაც ეს ნაბიჯი ჯერ არ გადაუდგამთ. ამიტომ, ჩვენ ნუ დავიყვანთ ყველაფერს რასაც ევროპაში ამბობენ, რომ ეს ეხება საქართველოს და საქართველოზეა საუბარი. ჩვენ უნდა ვიყოთ მყარად. ჩვენ გვაქვს ეს დოკუმენტი, გვაქვს ძალიან კონკრეტული სამოქმედო გეგმა და ამ მიმართულებით უნდა ვიაროთ.
ევროკავშირი სამეზობლო პოლიტიკის გადახედვას იწყებს. ამის შესახებ, ევროკავშირის უმაღლესი წარმომადგენლებმა ფედერიკა მოგერინმა ბრიუსელში გამართულ პრესკონფერენციაზე განაცხადა.
..გადავწყვიტეთ ოფიციალურად დავიწყოთ ევროპული სამეზობლო პოლიტიკის გადახედვის პროცესი, ბოლოს ეს 2011 წელს მოხდა. ჩვენი რეგიონი შეიცვალა, იყო რადიკალური ცვლილებებიც და ასევე გადაიდგა პოზიტიური ნაბიჯებიც. მაგრამ უნდა გადავხედოთ ჩვენს პოლიტიკას და თანამშრომლობას რადგან ურთიერთობის შეფასების პროცესიდან უნდა გადავიდეთYპოლიტიკურ პარტნიორობაზე. Uნდა გამოვიყენოთ ყველა პოტენციალი ჩვენს პარტნიორებთან რეგიონში ეფექტური გავლენის მოსახდენად”, -განაცხადა ფედერიკა მოგერინმა.
მისივე განცხადებით, ევროკავშირთან თანამშრომლობა კონფრონტაციას არ გულისხმობს. როგორც ფედერიკა მოგერინმა განმარტა ევროკავშირის კარი ღიაა თანამშრომლობისთვის მათ შორის რუსეთისთვის.
